तपाइँलाई कुनै केटीले मन पराउँछे कि पराउँदिन ? यसरी थाहा पाउनुहोस

हरेक पुरुषलाई आफूसँग कुनै स्त्री आकर्षित हुन्छे कि हुन्ने भन्ने चासो र चिन्ता हुन्छ । तपाइँ कुनै केटीले तपाइँलाई मन पराउँछे कि मन पराउँदिन भन्ने जान्न चाहनु हुन्छ भने यी कुरा विचार गर्नुस् ।
१. कुनै पनि केटीले तपाइँलाई मन पराउँछे भने उसले तपाइसँग बोल्दा आफ्नो कपाल टोक्ने गर्छे । आफ्नो कपाल चलाउँदै कुनै युवती तपाइँसँग बोल्छे वा बोल्दा कपाल चलाइरहन्छे भने बुझ्नुस् उसले तपाइँलाई मन पराउँछे र तपाइँको ध्यान खिच्न चाहन्छे ।
२. यदि कुनै केटीले तपाइँसँग घुमफिर गर्न वा समय विताउन तयार हुन्छे भने बुझ्नुस् उसले तपाइँलाई मन पराउँछे । यो साथीकोरुपमा होस् वा प्रेमकै रुपमा ।
३. यदि तपाइँसँग कुनै केटीले आँखा जुधाएर कुरा गर्छे भने बुझ्नुस् उ तपाइँसँग नजिक हुन र कुरा सुन्न चाहन्छे । तर आँखा अन्तै राखेर कुरा गर्ने केटीले या त तपाइँको कुरा मन पराएका छैनन् या उनीहरु तपाइँसँग नजिक अनुभव गर्दैनन् भन्ने बुझाउँछ ।
४. केटीहरु त्यस्ता केटासँग कुरा गरेर समय बर्वाद गर्दैनन् जो उनीहरुलाई मन पर्दैनन् । तपाइँसँग कुरा गर्न इच्छुक केटीले तपाइँलाई म पराइरहेकी पनि हुन्छे ।
५. कति कति बेला केटीहरु अली चर्को स्वरमा केटासँग कुरा गर्छन् । यसो गर्नु सँधै रिसाएको मात्र होइन कहिले काँहि खुसी नै रहेको तर प्रेम बुझाउनका लागि पनि गर्छन् । तपाइँको कुरा मन पराउने केटीले मात्र तपाइँसँग चर्को स्वरमा कुरा गर्छन् ।
६. तपाइँलाई मन पराउने युवती तपाइँसँग हुँदा हाँसी खुसी देखिन्छन् । उनीहरुले तपाइँसँग रहेको समय हाँसी खुसीमै वितेको देखाउन पनि चाहन्छन् । तर बाटोमा कुनै केटीले हाँस्दैमा भने यसको अर्थ त्यस्तो लाग्दैन ।
७. तपाइँसँग भेट्न आउँदा चिटिक्क परेर वा बनेर आउने केटी पनि तपाइँलाई प्रभाव छोड्न चाहेको बुझ्नुस् । अरुबेला वास्ता नगर्ने तर तपाइँलाई भेट्न आउँदा भने सम्हालिने केटीले तपाइँलाई मन पराउँछिन् ।
-

नेपाल र भुटान जस्तो नसम्झन भारतलाई पाकिस्तानको चेतावनी

काठमाडौं, ९ असोज । भारतको काश्मीरस्थित उरी क्षेत्रमा भएको आतंकवादी आक्रमण पश्चात पाकिस्तान र भारतबीच युद्धको खतरा बढिरहेको छ ।

अघिल्लो आइतबार उरी क्षेत्रमा भएको आतंकवादी आक्रमणका कारण १७ जना भारतीय सैन्य मारिएपछि दुई देश युद्धको तयारीमा रहेका छन् । यही विषयलाई लिएर पाकिस्तानी सञ्चार माध्यमहरुले भारतसँग नडराउन भन्दै सरकार र नागरिकलाई युद्धको तयारीमा रहन समाचार सम्प्रेशण गरिरहेका छन् ।

दैनिक पत्रिकाहरुले प्रथम पृष्ठमा सम्पादकीय नै लेखेर भारतलाई कडा चेतवानी दिँदै पाकिस्तानी सरकार र नागरिकलाई नडराउन र नझुक्न भन्दै युद्धतर्फ आकर्षित गराएको हिन्दी बीबीसीले उल्लेख गरेको छ । केही पत्रिकाले सचेत पनि गराएका छन् । उनीहरुले पाकिस्तानका कारण भारतले आफ्नो राजनीतिलाई प्रभाव पार्न खोजेको लेखेका छन् ।

बीबीसीकाअनुसार ‘एक्सप्रेस’ले सम्पादकीयमा परमाणु शक्ति सम्पन्न दुई मुलुक पाकिस्तान र भारतबीच भइरहेको युद्धको तयारीले दुवैलाई फाइदा नहुने उल्लेख गरेको छ ।

‘यही पाकिस्तान परमाणु शक्ति सम्पन्न हुन्थ्यो भने भारतले पाकिस्तानमाथि आक्रमण गर्न ढिलो गर्दैन थियो’, एक्सप्रेसको सम्पादकीय उद्धृत गर्दै बीबीसीले लेखेको छ, ‘हामी युद्ध चाहँदैनौ, तर हामी भुटान या नेपालजस्तो पनि होइनौं ।’