प्रधानमन्त्री दाहालले दिए ​वैशाख १ भित्र मेलम्चीको पानी काठमाडौंमा ल्याउन निर्देशन

काठमाडौं,७ असोज । प्रधानमन्त्री पुष्पकमल दाहालले मेलम्ची खानेपानी आयोजना आगामी वैशाख १ गतेभित्र सक्ने गरी काम गर्न निर्देशन दिएका छन् । मेलम्ची खानेपानी आयोजना २०७४ सालको दसैँ अघि सक्ने गरी जिम्मा पाएको भएपनि वैशाख १ गतेनै सक्न प्रधानमन्त्री दाहालले निर्देशन दिएका हुन् ।
प्रधानमन्त्री दाहालले शुक्रबार मेलम्ची खानेपानी आयोजनाको निरीक्षण गर्दै वैशाख १ गतेभित्र आयोजना सक्ने गरी निर्देशन दिएका छन् । उनले राष्ट्रिय गौरबका आयोजनाहरु निर्माणमा ढिलासुस्ती हुने देखिएकोमा त्यो तोड्न पनि मेलम्ची खानेपानी आयोजना वैशाख १ गते सक्नु पर्ने भन्दै भने – ‘युद्धस्तरमा काम गर्नुस्, काममा समस्या आए सरकारले तत्काल समस्या समाधान गर्छ ।’ त्यस्तै बेलैमा आयोजना सम्पन्न गरेर पुरस्कृत हुन पनि प्रधानमन्त्री दाहालले आग्रह गरे ।

फेरी गयो शक्तिशाली भूकम्प

टोक्यो, ७ असोज । पूर्वी जापानको तटीय सहरमा शुक्रबार एक शक्तिशाली भूकम्प गएको समाचार छ ।
सो भूकम्प ६.४ रिक्टर स्केलको मापन गरिएको अमेरिकी भौगर्भिक सर्वेक्षण संस्था (युएसजिएस)ले जानकारी दिएको छ

स्थानीय समयाअनुसार शुक्रबार विहान ९ः१४ गएको यस भूकम्पको हालसम्म मानवीय र सम्पत्ति क्षतिको कुनै विवरण प्राप्त नभएको सो संस्थाले जानकारी दिएको छ ।

सो भूकम्पको केन्द्रविन्दु कात्सुउराबाट सहर १५० किलोमिटर टाढा आसपासकै इलाकामा रहेको बताइएको छ ।

जापानको मौसमविज्ञान विभागका अनुसार भने यो भूकम्प ६.५ रिक्टर स्केलको मापन गरिएको छ ।

जापानको उत्तरपूर्वी तटीय क्षेत्रमा सन् २०११ को मार्च आएको ९.० रिक्टर शक्तिशाली भूकम्पपछिको सुनामीमा परी कम्तीमा १८ हजार व्यक्तिको मृत्यु भएको थियो ।

गत अप्रिलमा दक्षिण जापानी सहर कुमामोतो प्रान्तमा आएको दुई शक्तिशाली भूकम्पमा परी कम्तीमा ५० व्यक्तिको मृत्यु भएको थियो ।

यस भूकम्पपछि एक हजार सात सय पटक पराकम्पनहरु महसूस गरिएको जापानी सञ्चार माध्यमले बताएको थियो ।